pantun uhang jamboi

Batanghari aeknyo tenang
Sungguhpun tenang deras ke tepi
Anak Jambi jangan dikenang
Kalo dikenang merusak hati

Hidup api pangganglah kuau
Kuau dipanggang si abang kaki
Maksud hati nak meraih pulau
Pulau dijago sinago sakti

Kami ba umo di lereng bukit
Rebahlah padi digiling batang
Kami umpamo si burung pipit
Kemano terbang di halau urang

Lubuk pungguk tepian napal
Tempat budak mencuci baju
Awak biduk nak serempak kapal
Idaklah mungkin nyo samo laju

Kalo ado gelang di tangan
Idak melurut cincin di jari
Kalo ado tunang awak nian
Idak merebut si tunang kanti

Bederai hujan di rimbo
Tibo di padi bederai jangan
Becerai kito di muko
Namun di hati becerai jangan

Kalu ado mobil ke Bungo
Numpanglah aku ke Rantau Panjang
Kalu ado cewek butanyo
Katokan aku sudah tabuang

Muaro Bungo medan buperang
Jepang masuk Belando lari
Hilang bungo dapat dikarang
Hilang kau kemano kucari

Kota Bangko bepagar bilah
Kota Jambi bepagar besi
Kota Bangko kutinggal sudah
Kota Jambi tempat ku jadi

Seberapo rimbun kayu di Jambi
Rimbunlah jugo kayu di Tungkal
seberapo rindu kau nan pegi
Rindulah jugo kami nan tinggal

Ke talang pegi mulatah
Pegi merumput lanyo padi mudo
Malang nian nasib kau antah
Tibo lah di mulut tebuang jugo

Anak cino menanam ubi
Ubi tetanam dimakan babi
Anak siapo nan bepantun tadi
Cubolah diulang sekali lagi

Macam mano awak nak mandi
Banyak lah bilah daripado buluh
Macam mano awak nak jadi
Banyak yang negah daripado nyuruh

Macam mano awak nak mandi
Anak buayo di bawah titin
Macam mano awak nak jadi
Adek kayo abang musekin

Cik Siti mngepang rambut
Rambut tekepang sebelah kanan
Kalo sudi surat disambut
Kalolah idak buanglah ke laman

Cubo-cubo main galumbang
Sampai ke tepi membao tampah
Cubo-cubo menanam mumbang
Nasib baik negeri betuah

WISATA DESA HIANG TINGGI

ada sebuah desa yang tidak asing di dengar d kalangan masyarakat kerinci,terdapat sebuah wisata yang tidak di budidayakan,
padahal panorama nya bagus,hutan nya masih alami,
wisata yang terdapat di desa hiang tinggi itu ada lah air terjun puti dayang indah,
air terjun itu bertingkat 15,
saya berharap air terjun tersebut dibudidayakan.....

jika anda mau berkunjung ke sana jarak dari hiang sekitar 3 kg,
di sana terdapat bermacam-macam satwa.